صباح جميل كروعة عيونكم

اليوم حبيت أقدم لكم مجموعة قصائد أعجبتني لشاعرات مختلفات

وأتمنى إنها تعجبكم

ღ ღ ღ

ماتصورت فرقاك

للشاعره 000 بنت العطاء

الله وأكبر ماتصورت فرقاك

نسيتني واقول طول غيابك

همي وجرحي والزمن صار وياك

الوقت ضدي وانت صكيت بابك

لاجيتني تشكي من جروح دنياك

يفز لك قلب بطيبه وفا بك

خابت هقاوي بالرجا من تمناك

لا الهم تاركني ولا الحظ جابك

نسيت قلب كل ماتطلبه جاك

يشيل جرحه فوق جرح سطا بك

يرسم لك البسمه على ضيقة شفاك

ينسى عذابه ويتحمل عذابك

ياما عذرتك وانتاسى خطاياك

ياما عطيتك واتحمل عتابك

من يوم بانت في عيوني خفاياك

لا ترتجيني لو يطول غيابك

ღ ღ ღ

فك السحر

للشاعره 000 عجايب

فك سحرك عن خفوقي 00خل عشقي لك رضـا

ما أبي أصرخ با بإسمك كل ليله في ذهول

صرت لي حتى الهوى اللي يمتلئ فيه الفضا

صار بيدينك مصيري مابقى عندي حلول

اتجاهل عالمي وأسرح أحسب اللي مضى

كان لعبه أشغلتني وكسرها الفضول

كنت له خاتم بإيده أطيعه لاقضى

لو بالاعدام يحكم لي 00 أجي موتي عجول

أحرق أيامي وقلبي غدا جمرة قضى

ماتطفي نار شوقه رياح ولا سيول

قلبي اللي كان خالي من أشواقه فضى

وأنته هالحين تزعج ونبضاته طبول

ღ ღ ღ

مسمــوح

للشاعره 000 بنت العطاء

فمان الله ياناوي على الغربه ترى مسموح

عليك الله أبفهم وش خطاي اللي تجنيته؟؟

أبسمع كلمة منك قبل لاتبتعد وتروح

أبي قلب عطاك الود كله وين وديته ؟؟

عطيتك وش بقى ماجاك مني ياحبيب الروح؟

لجل عينك رضيت الصعب ومن شانك تحديته

عطيتك قلبي وروحي عطيتك لهفتي بوضوح

تشوف بعينك اللي جاك لكنك تناسيته

شكا جرح الغلا وأثر الغلا من سبتك مذبوح

غلاك بداخل احساسي تجاهلته وخليته

اليا من زاد شوقي لك غلا زدت الجروح جروح

أداري خاطرك ياليت قلبي يوم ردّيته

ღ ღ ღ

كمل جميلك

للشاعره 000 عذبه العتيبي

زعلت كملها حبيبي لو شوي

كمل جميلك وابتعد عن حياتي

ما انكر انك في عيوني سنا ضي

بس عاد يكفيني أميز خطاتي

ماشفت لك نور ولا شفن بك فَيْ

والقيظ يقراني لأخر جهاتي

هذا وحبك دون ما احسب هل الغي

والحين ماتفرق سوى انك غلاتي

شي يجمعنا وافترقنا على شي

دامك حيادي ماتوفي عصاتي

ياما ابرد أعصابك وأنا أعاني الكي

شفني على بعد المسافة أحاتي

وانته ولاهمك سوى شربة المي

من دمعتي والا صميم عبراتي

بودّعك وأعيش دنيا بلا حيّ

ياعلّ تصفالي بقايا حياتي

ღ ღ ღ