ما ابي غيره

يقولون الثواني عمر.. وانا اقول الثواني شوق

يحسبون الزمان يسرّ.. وانا تقتلني اشواقي

عواذل حطوا بدربي ودربه كل شيٍ عوق

عواذل فرقوا بيني وبينه.. والزمن عاقي

تضيع ايام من عمري وانا لي فالزمان حقوق

عليهم ربي وحسبي على من سبب فراقي

حبيبي صرت من بعدك حزين بشكوتي مخنوق

اداري دمعتي عنهم ولا ابين عثر ساقي

حبيبي بعده ايامي سرابٍ والظما بعروق

عرفت الحزن بفراقه وضاع النور بحداقي

حبيبي ضاقت الدنيا وصدره ما اظن يضوق

حبيبي هو دوا جرحي.. حبيبي كل عشاقي

حبيبي ما ابي غيره ولا لي بالهوى معشوق

حبه يسكن بصدري.. وبيّن حرف بأوراقي

يعيشون الثواني عمر.. وانا أعيش الثواني شوق

يبوني كيف من بعده اعيش وما بقى باقي

نواف الدخيل